Cyhoeddi Comisiynau Cymru Fenis 10 Artes Mundi

Mae'n bleser gan Artes Mundi gyhoeddi'r tri artist sydd wedi derbyn arian ar gyfer cyfle comisiwn Cymru Fenis 10 ar ôl derbyn dros 60 o geisiadau.

Cynigiwyd y comisiynau i artistiaid gweledol Cymreig a rhai sy'n byw yng Nghymru fel cefnogaeth tuag at ddatblygu a chynhyrchu prosiect neu waith celf newydd.

Dyfarnwyd y comisiynau i:

• Studio Cybi
• Freya Dooley
• Kandace Siobhan Walker

Bydd pob artist yn derbyn £14,100 ar gyfer costau deunydd a chynhyrchu, ynghyd â chostau mynediad ychwanegol, gyda chontract y comisiwn yn para tua chwe mis. Bydd cymorth stiwdio rheolaidd yn cael ei ddarparu gan dîm curadurol Artes Mundi yn unol â chais i gyfrannu at ddatblygiad y comisiynau.

Roedd y panel dethol yn cynnwys Catrin Owen, aelod o bwyllgor ymgynghorol Cymru Fenis; Yuen Fong Ling, artist, curadur, ymchwilydd a darlithydd ym Mhrifysgol Sheffield Hallam. Melissa Hinkin, Curadur yn Artes Mundi; a Liv Penrose Punnett, Curadur Cynorthwyol yn Artes Mundi. Cadeiriwyd y panel gan Nigel Prince, Cyfarwyddwr Artes Mundi.

Meddai’r detholwyr allanol: “Mae’r Comisiynau Cymru Fenis 10/Artes Mundi newydd hyn yn gwrando ar yr alwad am newid – mynediad i fod yn fwy cynhwysol, a chyfleoedd i feithrin artistiaid, ar wahanol gamau o’u datblygiad. Mae’r cyflwyniadau’n adlewyrchu diddordeb yr artist mewn mynd i’r afael yn uniongyrchol ag anghenion cymdeithasol, plethu naratifau gwleidyddol a hanesyddol, adrodd straeon newydd, a chreu hunaniaethau newydd. Mae'r artistiaid dethol yn hyrwyddo ysbryd o annibyniaeth, cyfunoliaeth, a chynwysoldeb, fel rhan annatod o ymarfer artistig. Lle mae artistiaid ar flaen y gad mewn ffyrdd newydd o fyw, gweithio a bodoli.”